La raschun è che sulet 45% da las votantas e dals votants han dà giu lur vusch, per ch'il referendum saja valaivel avessi però duvrà ina participaziun d'almain 50%.
Tar radund 95% da las vuschs hai tenor Gulyas dà in na. Il politicher da la regenza ha perquai discurrì dad ina «clera victoria». Tar la votaziun iniziada da la regenza conservativa èsi persuenter, sch'il pajais sa participescha vid in plan da quotas da l'UE per reparter fugitivs. Il naufragi è ina terrada per il primminister Victor Orban che refusa da prender si 2000 migrants.
«Cumbat cunter la birocrazia da Brüssel»
En ina campagna sur mais cun tuns xenofobs aveva la partida da la regenza FIdez fatg reclama per in na. Orban ha punctuà pliras giadas la mundada dad ina votaziun valaivla per «cumbat cunter la birocrazia da Brüssel».
Appell al boicot
Pliras organisaziun civilas sco er la partida «Chaun cun duas cuas» - ina partida da satira - aveva appellà da dar giu ina vusch betg balaivla. Il referendum e la campagna han er procurà per critica internaziunala. Il president dal parlament da l'UE Martin Schulz ha rinfatschà ad Orban da giugar in «gieu privulus».
RR novitads 20:00
