Siglir tar il cuntegn

Header

cuntegn

Exteriur Ungaria refusa fugitivs ch'auters veglian stuschar giu

L'Ungaria sco commember da l'Uniun Europeica na vul tuttina betg violar il dretg da fugitivs da l'UE. Il minister da l'exteriur da l'Ungaria ha precisà a Budapest ch'i na giaja betg per suspender regulaziuns da l'UE.

L'Ungaria refusia da prender si fugitivs ch'auters stadis europeics veglian stuschar giu sin l'Ungaria, surtut fugitivs da la Grezia. Plinavant planiseschia l'Ungaria ulteriuras saivs al cunfin cun la Serbia. Il sistem d'asil en il pajais saja surchargià, communitgescha la regenza ungaraisa.

Tenor cunvegna stuess l'Ungaria tractar sezza ses cas

La cuvegna da Dublin prescriva che quel stadi da l'UE, nua ch'ils requirents d'asil èn arrivads l'empim, sto manar tras la procedura d'asil. Plinavant sto il requirent restar en il pajas enfin che la procedura è a fin. Quest onn èn però gia 10'000 fugitivs da l'Ungaria viagiads vinavant en auters pajais da l'Uniun europeica.

RR novitads 18:00

Artitgels legids il pli savens