Siglir tar il cuntegn

Header

cuntegn

Exteriur Ungaria – saiv provochescha dispita diplomatica

Il ministeri da l'exteriur ungarais ha cità in represchentant da l'ambassada franzosa. Il motiv per quest invit è la clera critica dal minister da l'exteriur franzos Laurent Fabius da la saiv da cunfin da l'Ungaria.

La regenza ungaraisa aveva communitgà la sonda ch'ella haja terminà la saiv filfier cun spinas da 175 km lunghezza al cunfin cun la Serbia. Fabius aveva ditg envers medias franzosas che la saiv surpassia las valurs communablas da l'Europa e stoppia vegnir demontada puspè. Plinavant aveva Fabius rinfatschà a divers stadis da l'ost ina tenuta scandalusa envers ils fugitivs.

Var 50'000 fugitivs be en quest mais

En l’Ungaria èn vegnids dapi il cumenzament da l’onn bunamain 150’000 fugitivs, radund 50’000 be quest mais. Ils blers dad els vegnan sur la Serbia en il pajais e vulan viagiar vinavant en pajais da l’UE pli ritgs, sco la Germania u la Svezia.

RR novitads 7:00

Artitgels legids il pli savens