Las autoritads ungaraisas ston adattar la lescha cunter il terrorissem ch'ellas han decis il 2011. Tscherts artichels cuntrafetschian al dretg fundamental sin la sfera privata. Quai ha constatà il Tribunal europeic dals dretgs umans a Strasbourg e dat uschia dretg a dus Ungarais che han fatg recurs.
La dretgira crititgescha che las garanzias manchian per impedir che la lescha possia vegnir malduvrada. Era prevedia ella betg che pertutgads sa possian defender giuridicamain.
La lescha dispitaivla preveda che las autoritads dastgan controllar zuppadamain abitaziuns e survegliar la posta ed ils emails senza ch'ils pertutgads avessan dà lur consentiment.
