Siglir tar il cuntegn

Header

cuntegn

UNICEF avertescha Protecziun dals dretgs da l'uffant stagnescha

L’ovra d’agid per uffants da l’ONU l’UNICEF, avertescha ch’il svilup tar la protecziun dals dretgs da l’uffant stagnescha sin l’entir mund. Circa 7 milliuns uffants vivan en praschuns, champs da fugitivs u chasas d'uffants.

Dasper il fatg che blers uffants na vivan betg en libertad, sajan ils uffants d'ozendi era exponids a novs privels. Per exempel a la midada dal clima u a l'abus e mobing en l'internet.

Tuttina, tenor il rapport da l'UNICEF che ha persequità 30 onns ils dretgs d'uffants saja inqual chaussa er da midada positiv. I dat adina pli paucs morts tar uffants pitschens e tut en tut vivan uffants pli sanadaivel ed han dapli dretgs.

L'UNICEF fa dentant attent che quest progress na saja betg en tut las regiuns sin il mund tuttina. En pajais da svilup moran anc adina dubel uschè blers uffants sut 5 onns che creschan si en famiglias paupras che uffants da famiglias bainstantas.

RR novitads 17:00