I n’haja dà nagina maioritad per in dals candidats, ha ditg Donald Tusk, il president dal cussegl da l’UE suenter l’emprim di da l’inscunter a Brüssel. Perquai hajan els decis da far in ulteriur inscunter suprem ils 30 da zercladur.
Per quests uffizis dovri ina successura u in successur
- president da la cumissiun da l'UE – fin uss Jean-Claude Juncker
- president dal cussegl da l'UE – fin uss Donald Tusk
- president dal parlament d'Europa – fin uss Antonio Tajani
- president da la Banca centrala europeica – fin uss Mario Draghi
- incumbensada per affars da l'exteriur – fin uss Federica Mogherini
La finamira saja da chattar in pachet da persunal equilibrà – cun dunnas ed umens, diversas partidas e regiuns europeicas.
Ulteriurs temas da l'inscunter èn il budget da l'UE, ma er da prender si discurs d'entrada cun stadis dal Balcan dal Vest. L'inscunter cuntinuescha oz.
RR novitads 06:00