Siglir tar il cuntegn
Inhalt

Exteriur Uorsin ha in nov da chasa en l’Europapark

L’Uorsin da la stgella, ina da las pli popularas figuras grischunas, ha uss in da chasa en l’Europapark a Rust en Germania.

Legende: Video Europapark I - il nov da chasa da l'Uorsin abspielen. Laufzeit 03:07 Minuten.
Or da Telesguard dals 11.05.2016.

Ina delegaziun grischuna è stada da la partida en l’Europapark cura che la pli nova attracziun dal parc da divertiment tudestg è vegnida inaugurada uffizialmain.

Memorias d'uffanza materialisadas

Michael Mack, commember da la famiglia da possessurs dal Europapark, sa mussa en il Telesguard sez sco fan d’Uorsin. La passiun e l'istorgia ord il cudesch ed il film han persvadì ad el.

Jau enconusch sez il cudesch da l’Uorsin da mia uffanza.
Autur: Michael Mackcomember da la famiglia possessura, Europapark

Speranzas economicas per la branscha turistica

Per il Grischun è colliada la preschientscha prominenta cun speranzas economicas. Il schef-promotur da l'economia en il Grischun, Eugen Arpagaus, spera ch'il turissem possia nizzegiar la chasa d’Uorsin sco plattafurma e lieu d'inscunter cun giasts futurs.

Uorsin da la stgella va internaziunal.
Autur: Eugen ArpagausPromoziun d'economia, Grischun
Legende: Video Europapark II – in sguard en la chasa dad Uorsin abspielen. Laufzeit 02:41 Minuten.
Or da Telesguard dals 11.05.2016.

In da chasa sco en l’Engiadina

La tura ch'il Telesguard ha astgà far al di da l'avertura entras la chasa d’Uorsin mussa che l’Europapark ha realisà sia attracziun pli nova cun premura. Igl è bunamain sco en l’Engiadina, almain en l'Engiadina dal film d’Uorsin.


Legende: Video In Parc Alpin cun Uorsin - TSG abspielen. Laufzeit 04:20 Minuten.
Or da RTR dals 11.05.2016.