Siglir tar il cuntegn
Inhalt

Exteriur Ura da commemoraziun per Jo Cox

4 dis suenter il mazzament da la deputada brita Jo Cox, è la chombra dals deputads sa radunada ad ina seduta extraordinaria, sulettamain per sa regurdar da la politicra da 41 onns.

Politichers brits en malencurada.
Legenda: La commemoraziun per la deputada trapassada Jo Cox ha era manà en baselgia. Keystone

Tut ils deputads han purtà rosas alvas, ed era sin il plaz ch'è restà liber era plazzada ina rosa. L’um da Cox e lur dus uffants da trais e tschintg onns eran medemamain preschents en il parlament.

Il primminister David Cameron ha valità Cox sco "vusch per l'umanitad". Ed il schef da l'opposiziun Jeremy Corbyn ha ditg, che tuts portian responsabladad da betg svegliar odi e da betg semnar discordia. El ha appellà per in stil da politisar e debattar pli precaut.

La gievgia passada aveva in um mazzà la deputada Jo Cox a mesa via. Il delinquent supponì è en arrest d’inquisiziun.

RR novitads 20:00