Siglir tar il cuntegn

Header

cuntegn

«Urbi et Orbi» Il Papa appellescha a la pasch

A Roma ha il papa purtà ses messadi da Nadal. El ha appellà da guardar en las fatschas dad Ucranaisas ed Ucranais. Els stoppian passentar quest onn Nadal en stgirezza, fradaglia e lunsch davent da la patria. Sur tut ils uffants pateschian il pli ferm. Che Dieu possia sclerir il spiert da quels che hajan la pussanza da far taschair las armas, ha ditg Francestg. Quellas duajan er taschair en la Siria, il Proxim Orient ed autras regiuns cun guerra. Dal balcun dal dom da son Peder ha el er benedì tradiziunalmain cun l'Urbi et Orbi l'entira citad da Roma e l'entir mund.

Papa condemnescha l'engurdientscha da pussanza

Papa Francestg ha cumenzà ils 24 la saira cun las festivitads da Nadal tradiziunalas da la baselgia catolica en il dom da San Peder. Latiers ha el crititgà las guerras sin il mund e l'engurdientscha da pussanza dals umans. Ina umanitad che n'haja mai avunda daners, mai avunda pussanza e mai avunda divertiment, n'haja nagin plaz per ils pitschens, per il povers e per las persunas emblidadas, sco quai ch'i saja er stà tar Jesus. – uschia il papa.

Suenter dus onns corona ha il servetsch divin puspè gi lieu cun millis da cartentas e cartents en il dom da San Peder.

audio
Per tadlar: las novitads da las 07:00
ord RTR Audio dals 25.12.2022.
laschar ir. Durada: 5 minutas 35 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga