Siglir tar il cuntegn

Header

Navigaziun

Purtret din grond mantun da drogas.
Legenda: 1,7 tonnas drogas han las autoritads americanas chattà en dus containers (purtret da simbol). Keystone
cuntegn

Exteriur USA: 1,7 tonnas drogas chattadas en containers

Quest culp munta in grond success per ils Stadis Undis cunter la mafia da drogas internaziunala. Chattà han las autoritads las drogas en dus containers ch'avessan gì dad ir da la California fin en l'Australia, uschia la polizia. Plinavant hajan ins er chattà 25 kilos cocain e 5 kilos heroin. Tut ensemen valan las drogas passa 800 milliuns euros.

Il metamfetamin – en enconuschent sco meth, crystal meth u ice – avevan ins chattà gia ils 9 da schaner, anc avant ch'il bastiment ha bandunà il port. A Melbourne han ins arrestà gievgia sis suspectads dasper quatter Australians er dus Americans. Sch'els vegnan sentenziads, ston els quintar d'ir en praschun per vita duranta.

RR novitads 12:00