Siglir tar il cuntegn

Header

cuntegn

Exteriur USA cun dapli cas da corona che la China

Ils Stadis Unida han tenor experts americans entant dapli infecziuns dal coronavirus enconuschentas che mintg'auter pajais. Enfin ier suentermezdi èn 82'400 Americanas ed Americans vegnids testads positiv sin corona. La China dumbra enturn 81'800 cas e l'Italia enturn 80'600 cas. Quai tenor la survista da l'universitad americana Johns-Hopkins.

A schurnalistas e schurnalists ha il president american, Donald Trump ditg, che l'auta cifra d'infecziuns confermadas derivia dals blers tests ch'els hajan fatg. Ed en auters pajais, sco la China na saja betg propi cler quant autas che las cifras sajan.

Mortoris pervi dal coronavirus dumbran ils Stadis Unids fin uss pli che 1'100. Cunzunt pertutgà èn las citads da New York e New Orleans. En omadus lieus mancan plaunet ils apparats da reanimaziun. En Italia hai gia dà passa 8'000 morts pervi dal coronavirus, en China passa 3'000.

Cifras internaziunalas

  • Persunas testadas positiv: passa 471'000
  • Persunas mortas: passa 21'000

(stan 26 da mars 2020, 07:00 BAG)

Ord l'archiv da SRF:

video
Uss sentant er ils Americans quant seriusa che la situaziun è
Or da Tagesschau dals 21.03.2020.
laschar ir

RTR novitads 06:00

Artitgels legids il pli savens

Ir a sanester Ir a dretg