Siglir tar il cuntegn

Exteriur USA: Derschader lubescha plants cunter Monsanto

Plirs tschients plants cunter il concern d’agrochemia Monsanto èn valaivels. Quai ha decis in derschader federal en la California.

Med per extirpar zerclim.
Legenda: In med per extirpar zerclim che cuntegna glifosat. Keystone

Passa 400 purs, ortulans e consuments renfatschan a Monsanto d'avair survegnì cancer pervi d'in med per extirpar zerclim che cuntegna glifosat. Er sch'i saja grev da cumprovar che glifosat haja chaschunà il cancer, duajan ils experts pudair purtar lur arguments davant dretgira, ha il derschader argumentà.

Monsanto refusescha tut las renfatschas. Il concern pretenda ch'i na dettia nagin connex tranter glifosat e cancer. L’Uniun europeica aveva prolungà l’admissiun dal med dispitaivel per tschintg onns la fin dal 2017.

RR novitads 06:00