Siglir tar il cuntegn

Header

cuntegn

Exteriur USA: Ina persuna arrestada suenter sajettim a Burlington

En connex cun l'attagta en in center da cumpra cun 5 unfrendas ha la polizia arrestà in um da 20 onns.

Sco ella communitgescha sur il servetsch da novitads curtas Twitter, sa tracti dad in um da 20 onns. L'attentader probabel saja vegnì arrestà sonda saira. Davart ses motivs na datti anc naginas indicaziuns uffizialas.

Tschintg unfrendas

In um aveva sajettà enturn en venderdi saira en in center da cumpra a Burlington en il stadi federativ da Washington en il vest dals Stadis Unids. Tschintg persunas èn vegnidas mazzadas, tranter quellas er in uffant. Il center saja stà plain glieud, cura che l'um haja cumenzà a sajettar enturn. Quai han communitgà las autoritads.

Cura che la polizia è arrivada al lieu, era l'attentader supponì gia scappà. Silsuenter aveva la polizia publitgà ina fotografia da l’attentader probabel ch’ina camera da segirezza ha fatg ed instradà in’investigaziun gronda.

RR novitads 09:00++

Artitgels legids il pli savens