Siglir tar il cuntegn

Header

Anteriur schef dal FBI.
Legenda: Robert Mueller duai investigar en connex cun l'affera russa. Keystone
cuntegn

Exteriur USA: Ministeri da giustia per investigader spezial

L'anteriur directur dal FBI Robert Mueller duai sa fatschentar cun l'affera davart ils contacts da Trump e ses team electoral cun la Russia. El vala sco independent ed integher.

L’investigader spezial independent duaja sclerir ils eventuals cumplots dal president dals Stadis Unids Donald Trump cun la Russia. Quai ha annunzià il ministeri da giustia dals Stadis Unids.Robert Mueller è stà directur da la polizia federala FBI sut ils presidents George W. Bush e Barack Obama dal 2001 fin il 2013. Ses successur al timun dal FBI è stà James Comey.

Tar l’examinaziun giaja per la dumonda, sche la Russia haja empruvà d’influenzar l’elecziun dal president l’atun 2016. Per l'examinaziun independenta eran cunzunt ils democrats. Ils republicans avevan fin qua refusà ina tala. Dentant è il squitsch sin il president creschì pli e pli las ultimas emnas. Quai surtut suenter che Donald Trump ha relaschà surprendentamain il schef dal FBI, James Comey.

Tenor servetschs secrets americans aveva il president russ Wladimir Putin ordinà d’influenzar il cumbat electoral american en favur da Trump. Trump sez refusescha las reproschas.

RR novitads 06:00

Artitgels legids il pli savens