La Chas’alva aveva ordavant communitgà che president Trump vegnia a suttascriver la lescha. Dentant vegnia el il medem mument a proclamar il stadi d’urgenza per pudair bajegiar il mir dispitaivel al cunfin cun il Mexico.
Il cumpromiss prevesa numnadamain bler pli paucs daners per il mir, che quai che Trump pretenda. Il congress conceda radund 1,4 milliardas dollars, durant ch’il president aveva pretendì 5,7 milliardas dollars.
Cun proclamar il stadi d’urgenza vul Trump guntgir il congress e survegnir ils meds finanzials ch’el dovra per il mir. Ord vista giuridica èsi però dispitaivel, sche quai è insumma pussaivel. Per ils democrats cuntrafa questa mesira al dretg vertent. Els renfatschan al president da malduvrar sia pussanza.
RR novitads 06:00
