Pervi da ferms vents è la partenza da la racheta «Falcon Heavy» sa retardada il mardi a Cape Canaveral. Cun ina lunghezza da 70 meters ed in spazi da chargia da 60 tonnas vala la racheta «Falcon Heavy» sco la pli ferma racheta dal mund.
Tenor il plan da l'interprendider e visiunari Elon Musk duai la racheta en l'avegnir er transportar turists en l'orbit. Plinavant duai la «Falcon Heavy» però er sgular astronauts sin la glina u schizunt sin il Mars. A bord da la racheta è quella giada dentant in auto da sport electric da Tesla. Quel duai vegnir tramess sin in orbit enturn il Mars.
RR novitads 06:00