USA: Process cunter policist n'è betg reussì

En ils Stadis Unids da l’America ha in process cunter in policist fatg naufragi. Quel aveva sajettà sin ina persuna naira e mazzà quella.

Giuraders ch'engiran. Bild in Lightbox öffnen.

Legenda da maletgs: Prozess ha fatg naufragi perquai ch'ils giuraders n'èn betg vegnids perina. Keystone

Il process è ì a fin senz'ina sentenzia damai ch'ils giuraders n'èn betg vegnids perina suenter avair sa cusseglià plirs dis.

Il cas era succedì l'onn passà en la citad da Charleston en South Carolina. Il policist accusà da 34 onns aveva sajettà en il dies da l’um nair da 50 onns – Walter Scott – che n’era betg armà ed era sin la fugia. A la giuria da 12 persunas ha be in nair fatg part. cas era vegnì public tras in video ch'in passant aveva filmà. Sinaquai avevi dà demonstraziuns.

«  Jau na sun betg trista. Jau sai che la giustia vegn a gudagnar. »

Judy Scott
Mamma da l'unfrenda

La procura publica ha annunzià ch’ella vegn ad instradar in nov prozess.

RR novitads 08:00