Siglir tar il cuntegn

Header

cuntegn

Exteriur USA trametta ulteriurs schuldads al cunfin

3'750 ulteriurs schuldads ha la regenza americana tramess al cunfin cun il Mexico. Els duain montar 240 kilometers fildarom cun spinas per impedir che migrants vegnan illegalmain en il pajais.

Cun ils ulteriurs schuldads crescha il dumber ussa sin passa 4'300. Raschun è che plirs milli migrants da l'America centrala eran sa mess en viadi direcziun ils Stadis Unids. La fin dal 2018 eran radund 6'000 arrivads fin a Tijuana al cunfin cun ils Stadis Unids. Els speran da pudair survegnir asil en ils Stadis Unids ed èn fugids da povradad e violenza en lur patria.

L'ultim temp ha il president, Donald Trump mussà dubis ch'ils republicans vegnian da persvader ils democrats da dar liber las milliardas per il mir da cunfin tar il Mexico. Represchentants da las duas partidas negozieschan il mument davart la segirezza da cunfin.

RR novitads 06:00

Artitgels legids il pli savens