Siglir tar il cuntegn

Header

cuntegn

Exteriur USA vendan sin l'entir mund las pli bleras armas

L’export d’armas internaziunal ha cuntanschì in record durant ils ultims tschintg onns. La davosa giada saja el s’augmentà a tala moda durant la Guerra fraida. Quai demussa il nov rapport da l’institut da retschertga da la pasch svedais «Sipri» davart l'export d'armas dal 2012 fin il 2016.

Ils ultims tschintg onns saja il commerzi cun armas s’augmentà per passa 8% cumpareglià cun ils tschintg onns avant. L'export d'armas ha uschia cuntanschì il pli grond volumen dapi il 1990. Exportà las pli bleras armas han tenor il rapport ils Stadis Unids e la Russia. Ensemen han els exportà 56% da tut las armas. Exportà il terz bler ha la China.

Ils Stadis Unids furneschan armas ad almain 100 pajais, quai tenor Aude Fleurant, la directura da Sipri. La Russia furneschia armas en spezial a l'India, il Vietnam, la China e l'Algeria.

RR novitads 08:00

Artitgels legids il pli savens