Quai stoppia schabegiar il medem mument sco l’offensiva cunter l’uschenumnà Stadi islamic a Mossul en l’Irac, ha Carter ditg. I vegnia lavurà stretgamain ensemmen cun ils partenaris en Siria.
I sto dar uschè spert sco pussaivel in’acziun militara per isolar la milissa enturn la citad.
Avant in’emna ha l’armada iracaisa cumenzà sia offensiva cunter Mossul e sa chatta actualmain radund 9 kilometers davant la citad che vegn controllada da la milissa terroristica. Ils Stadis Unids sustignan las autoritads cun attatgas or da l'aria e cun la scolaziun da schuldada iracaisa.
Sche l'IS avess da perder Mossul fiss Raka anc l'ultima citad gronda en ils mauns dals terrorists.
RR novitads 07:00