En la zona da l'euro è il dumber da dischoccupads sin il pli bass nivel dapi stgars 4 onns. La fin settember eran tut en tut radund 17,3 milliuns persunas senza lavur. Quai èn 1,2 milliuns pli pauc ch'avant in onn.
La quota da dischoccupaziun en la zona da l'euro munta actualmain a 10,8%. Tenor l'uffizi da statistica europeic èn las quotas da dischoccupaziun las pli autas en Grezia cun 25 ed en Spagna cun 21,6%. Il pli bass è la quota en Germania cun 4,5%.
