Siglir tar il cuntegn

Header

cuntegn

Exteriur Uss po l’ONU sclerir tgi che dovra armas chemicas en la Siria

Il Cussegl da segirezza da las Naziuns Unidas vul identifitgar ils responsabels dad attatgas cun armas chemicas en Siria.

Ils 15 commembers dal Cussegl da segirezza han approvà unanimamain ina resoluziun cun questa finamira. Ussa duai il secretari general da l'ONU, Ban Ki Moon, proponer entaifer 20 dis co ils responsabels dad attatgas cun armas chemicas pon vegnir identifitgads.

La Russia ed ils Stadis Unids n'eran ditg betg d'accord en questa dumonda. Quai aveva manà ad ina bloccada en il Cussegl da segirezza.

L’opposiziun siriana ha rinfatschà pliras giadas a las truppas dal president sirian Baschar al-Assad, d’avair fatg attatgas cun gas da clor. Autras gruppaziuns han era pretendì che la gruppa da terror Stadi islamic haja nizzegià clor sco arma.

RR Novitads 20:00

Artitgels legids il pli savens