Il producent da vaccin tudestg Biontech, ha fatg in gudogn da 3,2 milliardas euros ils davos 3 mais. Sco quai che l'interpresa Biontech communitgescha, crescha il gudogn total sin radund 7,1 milliardas euros per ils emprims trais quartals da quest onn. Avant in onn aveva l'interpresa anc nudà ina sperdita da 352 milliuns euros. Responsabel per la buna svieuta, saja cunzunt il success cun la producziun dal vaccin da corona ensemen cun il partenari american Pfizer.
Biontech ha era curregì las spetgas da svieuta cun il vaccin cunter covid-18. Per il 2021 spetgani da vender vaccin per radund 16 fin 17 milliardas euros. Quai enstagl da las 15,9 milliardas schazegiadas enfin ussa. La prognosa sa basa sin contracts gia suttascrits per 2,5 milliardas dosas vaccin. L'auter onns planiseschan Biontech e Pfizer da producir total fin a 4 milliardas dosas dal vaccin.
Questas prognosas curregidas han procurà per moviment a la bursa: Las aczias da Biontech èn creschidas uschè fitg dapi trais mais cun in plus da bun 11%.