Siglir tar il cuntegn

Header

cuntegn

Vaccinar Biontech vul lubientscha per vaccinar uffants tranter 5 ed 11

Il producent dal vaccin Biontech vul bainprest er far la dumonda da permissiun per vaccinar uffants tranter 5 ed 11 onns. Las proximas emnas vegnian ins a preschentar ils resultats d'in studi a las autoritads sin l'entir mund, er en l'Europa. Quai ha il concern da farmacia confermà envers medias tudestgas.

Il vaccin saja il medem, vegnia però dosà main aut e stoppia vegnir emplenì auter. Fin la fin da l'onn spetga Biontech plinavant las datas dal studi per uffants a partir da 6 mais.

Animar da vaccinar

Il medem mument ha il fundatur da Biontech supplitgà d'augmentar las stentas per che persunas anc indecisas sa laschian vaccinar las proximas emnas. La societad haja anc radund 60 dis temp per mitschar dad in dir enviern. En quests dus mais duessan ins empruvar tut per anc mobilisar tantas persunas sco pussaivel.

Ord l'archiv:

Co funcziuna insumma il vaccin da Pfizer/Biontech? I sa tracta dad in vaccin da mRNA. Il december ha RTR dumandà la media chantunala Marina Jamnicki.

audio
Co funcziuna il vaccin da Pfizer e Biontech insumma?
ord Actualitad dals 21.12.2020.
laschar ir. Durada: 3 minutas 13 Secundas.

RTR novitads 11:00

Artitgels legids il pli savens