Sulettamain a Moscau eran passa 3 milliuns persunas sin via. Quai communitgescha il ministeri da l'intern russ. Da quellas sajan passa in mez milliun stadas al marsch da commemoraziun sin la plazza cotschna.
Il schef dal Kreml, Wladimir Putin è sa mussà cuntent cun la festa. Che numerus politichers dal vest han boicottà quella pervi da la crisa en l'Ucraina, n'haja betg disturbà el, uschia Putin avers l'emettur Rossija. La festa da victoria a Moscau è ida a fin sonda saira cun in grond fieu artifizial.
RR novitads 12:00