Il liveticker da SRF
Plinavant haja il primminister Alexis Tsipras giuditgà quai sco gidaivel per obtegnair in accord.
Varoufakis è dapi ils 27 da schaner minister da finanzas grec en il cabinet da Tsipras.
Reacziun da las bursas europeicas
Las bursas en l'Europa han reagì a moda plitost modesta sin la clera decisiun dal pievel grec.
A Turitg ha il SMI pers en l'emprim'ura suenter l'avertura 0,51%. Da las 30 impurtantas aczias han tuttas laschà suenter. A Frankfurt noda l'index da las aczias tudestga 1,2% en il minus. Sumegliant vesi ora tar l'index franzos e tar l'index da la zona da l'euro EuroStoxx.
Reacziun da Johann Schneider-Ammann
Il minister svizzer da l'economia Johann Schneider-Ammann ha prendì enconuschientscha dal resultat dal referendum en Grezia. La zona da l'euro saja vinavant en ina situaziun critica.
Er il squitsch sin il franc svizzer pudessi vegnir pli ferm, ha ditg Schneider Ammann a la gasetta «Le Temps». Quant u sche insumma i saja necessari d'intervegnir da nov al martgà da devisas decidia sulettamain la Banca naziunala svizra, uschia il minister.
RR novitads 08:00 / 11:00 / 12:00