Pervi da la publicaziun da documents confidenzials vul la curia dal Vatican trair 5 persunas avant dretgira. Els ston quintar cun chastis da fin 8 onns, rapporta l'agentura da novitads taliana Ansa.
A 2 schurnalists, Gianluigi Nuzzi ed Emiliano Fittipaldi, vegn rinfatschà d'avair publitgà en lur cudeschs ch'il Vatican sfarlattia daners dals cartents. Ils schurnalists han inditgà sco funtauna documents or dal Vatican.
Paucs dis avant era l’anteriur secretari da la cumissiun d’economia vegnì arrestà. Dapi lura sa chatta el en arrest en il Vatican. Tenor Ansa tutga er el tar ils 5 accusads.
