Papa Francestg è vegnì operà cun success vi dal begl. Ils medis hajan fatg l’operaziun planisada la dumengia saira. Quant ditg ch’il papa resta en la clinica a Roma, n’ha il Vatican betg communitgà.
Il papa (84) patescha d’ina malsogna che defurmescha la paraid dal begl, uschia che quel po s’inflammar. Ils medis discurran en quest cas dad ina divertikulitis che po tranter auter chaschunar dolurs e fevra. Da la malsogna pateschan savens persunas pli veglias.
Novitad ha spert fatg la curella
La novitad davart sia operaziun veva speratamain fatg sensaziun en l’Italia. Blers politichers talians, tranter auter il president dal pajais, Sergio Mattarella, vevan giavischà bun meglierament al papa. La dumengia da mezdi era Papa Francestg anc sa drizzà als cartens sin la plazza da son Peder. Tranter auter ha el er communitgà ch’el veglia visitar l’Ungaria e la Slovachia il settember.
Ord l'archiv: Il 2018 veva il papa visità la Svizra: