Exteriur - Vatican renconuscha la Palestina sco stadi
Cun ina nova cunvegna ha il Vatican renconuschì la Palestina sco stadi. Delegads dad omaduas varts èn s'inscuntrads a Roma ed han preparà il contract bilateral.
Il contract bilateral stoppia uss anc vegnir suttascrit, hai num ord il Vatican. Inuffizialmain discurra il Vatican gia dapi lung temp d'in stadi independent Palestina.
Il Papa vul s'inscuntrar sonda proxima cun il president dals Palestinais Mahmud Abbas. Punct uffizial da l'inscunter è la canonisaziun da 2 muniessas oriundas da la Palestina.
