La liturgia dal venderdi sontg è quest onn stada sut l’ensaina da la guerra en l’Ucraina. Ina dunna da l’Ucraina ed ina da la Russia han purtà ensemen la crusch ina staziun da la via da la crusch al colosseum. Il Vatican ha cunquai vulì metter in signal da pasch. Quai ha ordavant chaschunà critica. L’ambassadur ucranais en il Vatican ha crititgà in simbol da reconciliaziun, durant che l’Ucraina pateschia vinavant da las bumbas e rachetas russas. Las ultimas emnas ha il papa adina puspè condemnà cun vehemenza la guerra.
Legenda:
Las duas dunnas da la Russia e da l'Ucraina che han purtà communablamain la crusch.
Reuters
Sonda celebrescha il papa la liturgia da la notg da Pasca e sa regorda a la levada da Jesus. La dumengia dat el lura la benedicziun tradiziunala «Urbi et Orbi».