Vendita d’armas va sin l’entir mund enavos

Las venditas d'armas en l'entir mund èn sa reducidas il 2015 il 5avel onn en successiun - l'onn passà per 0,6 pertschient. Quai malgrà ils blers conflicts militars ed ulteriuras tensiuns politicas.

Aviun da cumbat durant in sgol da test. Bild in Lightbox öffnen.

Legenda da maletgs: Aviun da cumbat durant in sgol da test. Keystone

Bunamain duas terzas da las venditas en la valita da 376 milliardas francs van sin il quint da firmas americanas. Tenor l'Institut per la perscrutaziun da la pasch Sipri a Stockholm è quai ina reducziun da trais pertschient.

Augmentà han la Russia e la Corea dal Sid

Vendì dapli armas han l'onn passà tranter auter la Russia e la Corea dal Sid. Ils producents da la Russia han pudì augmentar lur vendita per 6,2 pertschient. In considerabel augment ha dentant la Corea dal Sid pudì annunziar. La Corea dal Sid ha l’onn passà pudì stimular la producziun da las venditas totals dals Top 100 sin bunamain 10 pertschient.

RR novitads 8:00