Siglir tar il cuntegn

Header

Navigaziun

cuntegn

Venezia Cruschera collidescha cun bartga da turists

bartga pitschna sper cruschera gronda
Legenda: La cruschera gronda è collidada cun ina bartga da turists pitschna a Venezia. pumpiers da Venezia / Keystone

A Venezia è ina nav da cruschera gronda siglida en in bastiment da turists pitschen. Sco medias talianas rapportan èn almain 4 persunas sin il bastiment da turists pitschen vegnidas blessadas. L'accident è capità en il canal Giudecca, il canal central da Venezia. Ils pumpiers èn en acziun cun pliras unitads, communitgeschan els via Twitter. La situaziun saja sut controlla.

La nav gronda saja a pitgada en il bastiment ch’era parcà, cartaivlamain pervi d'ina panna cun il motor, communitgescha la cumpagnia da navigaziun «MSC Cruises». Davart las raschuns per l'accident datti mo speculaziuns. Las autoritads investigheschan.

Cruscheras grondas dispitaivlas a Venezia

Dapi onns èn las navs da cruschera grondas in tema dispitaivel a Venezia. Cruscheras che portan milliuns da turists en la citad ch'appartegn a l'ierta culturala da l'Unesco. Critichers vulan scumandar quellas ord la citad da laguna. Tenor il burgamester da Venezia Luigi Brugnaro è quest accident in'ulteriura cumprova che talas bartgas giganticas n'hajan pers nagut en ils canals.

cruschera
Legenda: La cruschera «MSC Opera» suenter la collisiun cun la bartga pitschna en il canal Giudecca a Venezia. Keystone

RR novitads, 15:00