Siglir tar il cuntegn

Header

Las curunas en las butias da la Venezuela èn savens vidas. In um stat cun ses chanaster davant ina curuna vida.
Legenda: Las curunas en las butias èn savens vidas. Keystone
cuntegn

Exteriur Venezuela: prolungà stadi d'urgenza

Las frontas tranter il president Nicolas Maduro e l'opposiziun vegnan pli e pli grondas. Il president Nicolas Maduro ha punctuà ch'il stadi d'urgenza valia er per l'economia. Quai munta ch'ils dretgs da l'opposiziun restan restrenschids.

Betg mo ils dretgs da l'opposiziun èn uschia restrenschids. Il militar e la guardia civila, ch'è s'alliada cun ils socialists, survegnan dretgs spezials per reglar e segirar il provediment cun victualias. La regenza da Nicolas Maduro rinfatscha numnadamain ad interpresas privatas d'esser, ord raschuns ideologicas, en ina guerra economica cunter sia regenza. Las interpresas reduceschian da gugent la producziun da victualias, di Maduro. Tranter auter è la producziun da paun limitada pervi dal manco da granezza.

I manca tut

Davant las butias datti grondas colonnas. Il numer final sin la carta d'identitad decida tgi che po far cura sias cumissiuns. Savens na datti dentant gnanc ils products dal mintgadi ils pli necessaris, per exempel la vivonda da basa. Ultra da quai mancan products dad igiena e medicaments.
La Venezuela, in pajais cun grondas reservas dad ieli, patescha actualmain da la pli auta inflaziun dal mund. I dat er adina dapli repressiuns cunter adversaris politics e schurnalists.

RR novitads 9:00

Artitgels legids il pli savens

Ir a sanester Ir a dretg