La Germania sto quintar l’emna proxima en l'entir pajais cun ina chauma tar la posta. Sco ch’il sindicat Verdi communitgescha, hajan las contractivas cun il management da l’interpresa fatg naufragi.
Verdi pretenda 5,5% dapli paja e vul reducir il temp da lavur per duas uras e mesa per emna. La posta taxescha quai sco betg finanziabel. Quai chaschunassi custs supplementars da 600 milliuns euros.
Suenter la chauma dals locomotivists è quai il segund cumbat da lavur entaifer duas emnas che vegn ad avair consequenzas considerablas per la populaziun en Germania.
Las contractivas interruttas duravan gia dapi mais senza success. Verdi aveva gia fatg squitsch sin il concerns cun chaumas d’avertiment.
RR novitads 14:00