A Jerusalem han entschet las festivitads religiusas da venderdi sontg. Ils cartents han absolvì ina liturgia en la baselgia da la fossa da Jesus per regurdar a sias dolurs e sia mort. Il suentermezdi è stada la processiun sin la Via Dolorosa cun las differentas staziuns da la Via da la crusch.
Tenor il ministeri da turissem dal Israel han ins spetgà da quai da 130'000 visitaders tar las festivitads religiusas a Jerusalem.
Las festivitads han cumenzà la damaun tar la baselgia da la sontga fossa. Il patriarc lain Fouad Twal ha celebrà ensemen cun ils cartents la liturgia catolica da la passiun da Jesus.
Quest onn croda la festa giudaica Pessach ensemen cun la festa da Pasca dals cristifidaivels.
