Las resalvas da la Spagna en connex cun la cunvegna da Brexit èn giud maisa. L'Uniun europeica e la Gronda Britannia hajan acceptà lur pretaisas, quai ha ditg il primminister spagnol Pedro Sánchez a Madrid.
La dumonda en connex cun il Gibraltar era il davos grond crap da stgarpitsch avant che la cunvegna da Brexit vegn acceptada. La Spagna haja laschà crudar ses dubis quai suenter ch'ella era sa cunvegnida cun l'UE e la Grond Britannia en dumondas davart il Gibraltar. Uschia è la via uss libra per l'inscunter suprem davart il Brexit ch'ha lieu dumengia. Tenor il schef dal cussegl da l'Europa Donald Tusk haja l'inscunter lieu sco planisà a Brüssel.
Gibraltar
Avrir la boxSerrar la box
Il Gibraltar è territori vischin da la Spagna ed è dapi passa 300 onns sut suveranitad britannica.
