En Frantscha ha la partida conservativa da l'opposiziun UMP gudagnà la segunda runda da las elecziuns regiunalas.
Tenor ils ultims resultats ha la partida enturn l'anteriur president Nicolas Sarkozy e ses alliads fatg passa dus terzs dals bun 100 departaments.
Ina clera terrada ha quai dà per ils Socialists. La partida regenta dal president François Hollande dastgass avair pers la mesadad da ses 61 departaments.
Il Front National dretg-extrem da Marine Le Pen ha pudì schlargiar sia posiziun, n'ha però gudagnà nagins dals departaments.
RR Novitads 07:00
