Siglir tar il cuntegn

Header

Uffants en in champ da fugitivs.
Legenda: Tuttas rutas da fugitivs en l'Europa duajan vegnir serradas. Keystone
cuntegn

Exteriur Vienna vul ina «fortezza Europa»

La regenza da l’Austria planisescha da serrar tuttas rutas da fugitivs sur ils stadis dal Balcan. Plirs politichers europeics han temian ch’ils fugitivs tschertgian rutas alternativas. Surtut la Bulgaria è en il focus.

Vienna ha en mira ina «fortezza Europa». Il mument dettia quai in potenzial da 1,1 milliuns umans che tschertgian ina via alternativa sur la Bulgaria. Quai ha ditg la ministra dal intern da l’Austria Johanna Mikl-Leitner. Il medem mument è ella sa mussada sceptica ch’il pact nov tranter l’Uniun europeica e la Tirchia vegnia ad avair success. Questa cunvegna na schlia betg ils problems actuals, ha ditg Mikl-Leitner. Perquai pretenda l'Austria da serrar tuttas rutas da fugia pussaivlas sur ils stadis dal Balcan. Mikl-Leitner ha vinavant sincerà che l’Austria saja londervi da stgaffir la «fortezza Europa».

La guardia da la costa grecca è anc malsegira

Represchentants da la guardia da la costa grecca èn s’exprimi sceptic co realisar la cunvegn nova cun la Tirchia. Pliras dumondas sajan anc avertas, uschia per exempel tge far sch’ina gronda massa da 500 fin 1000 persunas na vul betg returnar sin in bastiment che maina enavos ils fugitivs en Tirchia. Las modalitads na sajan anc betg propi cleras, ha ditg in uffizier da la guardia da la costa da la Grezia. La dumengia eran registrads en Grezia 48’141 fugitivs.

RR novitads 06:00

Artitgels legids il pli savens

Scrollar a sanestra Scrollar a dretga