Exteriur - Vinavant arrest da segirtad per terrorist islamistic
In probabel adherent da la milissa terroristica Stadi Islamic resta en arrest da segirtad, malgrà che sia sentenzia da quatter onns ed otg mais n’ha anc betg vigur legala. Quai ha decidì il Tribunal federal a Losanna.
Il Tribunal federal argumentescha en sia decisiun, ch’il privel da fugia da l'Iracais - che sesa pervi d'ina blessura en sutga cun rodas – existia vinavant. L’um è dapi la primavaira 2014 en praschun.
Il mars da quest onn aveva il Tribunal penal federal sentenzià l’Iracais pervi da participaziun ad ina organisaziun criminala ed ulteriurs crims pli pitschens. Cunter questa sentenzia ha el fatg recurs.
