Siglir tar il cuntegn

Header

cuntegn

Virus da corona Emprim mort betg Chinais

A Wuhan è in burgais american mort pervi dal virus da corona, quai ha l'ambassada americana a Peking confermà.

Suenter che tschients Chinais èn morts en consequenza d'ina infecziun cun il nov virus è l'American l'emprima unfrenda confermada cun in'autra naziunalitad.

Tenor il ministeri da l'exteriur a Tokio è er in Giapunais mort pervi da questa malsogna. Perquai ch'i avevia dentant dà difficultads cun la diagnosa, saja pneumonia – pia malcostas – vegnì inditgà sco raschun per sia mort.

Cruscheras rinforzan lur mesiras

Purtret d'in bastiment e dasperas uffizials.
Legenda: Cruscheras prendan mesiras pervi dal virus da corona. Keystone

Bastiments da cruscheras rinforzan lur mesiras cunter il virus da corona. Tenor la federaziun internaziunala da cruscheras cun sedia a Hamburg na dastgan passagiers e commembers da l'equipa betg pli ir sin cruscheras, sch'els èn stads ils davos 14 dis en la China. Plirs viadis vers la China èn vegnids redisponids u stritgads.

En l'entira China èn entant enturn 34'000 infecziuns confermadas. Passa 720 persunas èn mortas en consequenza d'ina infecziun cun il nov virus.

Ord l'archiv da SRF:

video
virus da corona chaschuna che Shanghai è quasi mort ora
Or da 10vor10 dals 06.02.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga