Siglir tar il cuntegn

Header

Barack e Michelle Obama vid il sortir da l'aviun.
Legenda: La vistia da Barack Obama en Cuba è il punct culminant dal curs d'avischinaziun dals dus pajais. Keystone
cuntegn

Exteriur Visita istorica: Obama è arrivà a Havanna

Sco emprim president american dapi la revoluziun cubana il 1959 è Barack Obama arrivà a Havanna. Là vegn Obama a s'inscuntrar cun il schef dal stadi Raul Castro per empruvar da motivar quel d'avrir vinavant la Cuba.

Il manader da la revoluziun e frar da Raul, Fidel Castro na vegn Obama però betg ad inscuntrar. Fidel ha instigà sur plirs decennis la disamicizia cun ils Stadis Unids, l'Uniun sovietica era daventada ses pli impurtant allià.

Il mardi vegn la televisiun statala da la Cuba ad emetter live in pled dal president american. Cun tensiun vegn spetgà sche Obama crititgescha la situaziun dals dretgs umans en il pajais.

Fin dal «temp da glatsch»

La fin dal 2014 eran Obama e Castro sa cunvegnì da terminar il «temp da glatsch» tranter ils dus pajais. Las relaziuns diplomaticas eran puspè vegnidas activadas e l'embargo d'armas era vegnì schluccà. Dapi intgins dis datti er puspè in traffic da posta direct tranter la Cuba ed ils Stadis Unids.

RR novitads 22:00

sda/cs

Artitgels legì il pli savens

Nach links scrollen Nach rechts scrollen