Vita en la China - Emigrada malgrà situaziun da viver difficila
Il desideri da Lisa Peers Dermont e ses um, d'emigrar en China, è stà pli grond ch'il ristg da stuair patir da (grondas) restricziuns en la vita quotidiana. Ch'i ha suenter lungas stentas be bastà per Hongkong e betg per Shanghai, è stà in cas da fortuna, sco ins vesa ussa.
Legenda:
Lisa Peers Dermont a Hongkong
Finalmain arrivada en sia nova patria
Lisa Peers Dermont
La sinologa Lisa Peers Dermont ha gia vivì a Peking u a Shanghai. La China è ses mund - era sche las relaziuns da viver èn pauc attractivas. Ses siemi, da viver en la China è ussa finalmain daventà realitad. Suenter las proceduras severas d'immigraziun, cun bunamain in'emna quarantina entschaiva ussa la tschertga per in'abitaziun.
