En l'Indonesia vegn il vulcan Anak Krakatau betg a ruaus. En vista a l'activitad dal vulcan han las autoritads indonaisas auzà il stgalim d'alarm. Plinavant han ellas engrondì la zona da scumond sin 5 kilometers enturn il vulcan che sa chatta tranter Java e Sumatra. Tenor il pledader ha il vulcan puspè spidà tschendra chauda e producì nivels da fim. Er sche la tschendra saja nunprivlusa, duaja la populaziun purtar mascras ed egliers da protecziun, cusseglian las autoritads.
In'erupziun da l'Anak Krakatau aveva chaschunà sonda passada in tsunami cun passa 430 unfrendas. Millis da persunas èn senza tetg pervi da la catastrofa.
RR novitads 06:00
