Siglir tar il cuntegn

Header

Purtret da persunal che tschertga per persunas sparidas.
Legenda: La tschertga per ils sparids sin l'insla White Island han las autoritads entant sistì. Reuters
cuntegn

Vulcan en Nova Zelanda Las autoritads han sistì la tschertga per survivents

Duas emnas suenter l'erupziun d'in vulcan en Nova Zelanda han las autoritads chalà da tschertgar per survivents sin l'insla White Island. Duas persunas èn anc sparidas. Quai ha communitgà il schef da la polizia Andy McGregor. La tschertga intensiva d'enfin uss, sin terra sco era en l'aua, saja stada senza success.

17 morts, 2 sparids

Entras l'erupziun dal vulcan èn mortas 17 persunas. Las autoritads localas van dentant da quai ora ch'era ils dus sparids – ina giuvenila da l'Australia ed in guid – èn vegnids per la vita e lur baras èn probablamain vegnidas tratgas en la mar.

Tozzels da persunas èn stadas ils 9 da december sin l'insla vulcanica White Island cura ch'il vulcan è erut. Anc adina vegnan 13 persunas tractadas en ospitals pervi da lur nauschas arsentadas. 13 pazients èn vegnids sgulads en l'Australia.

Video
10vor10: Critica vers ils organistaurs
Or da 10vor10 dals 09.12.2019.
laschar ir

Tschinta da fieu dal Pacific

La Nova Zelanda sa chatta sin l'uschenumnada Tschinta da fieu dal Pacific, la zona geologicamain la pli activa dal mund. Il vulcan sin l'insla White Island è dapi in temp puspè stà pli activ. Tuttina èn adina puspè bastiments ids sin l'insla per far guids.

RTR novitads 06:00