Malgrà l'affera da svapurs ha Volkswagen puspè vendì dapli autos che l’interpresa giapunaisa Toyota. Il concern tudestg è uschia stà en l’emprim quartal 2016 il pli grond constructur d'autos dal mund.
Raschuns persuenter èn cunzunt las bunas fatschentas da VW en la China ed in stop da producziun da Toyota en intginas fabricas da construcziun suenter in'explosiun.
Tar Toyota è la producziun tschessada per 2,3% sin 2,46 milliuns vehichels, tar VW è ella creschida per 0,8% sin 2,51 milliuns vehichels.