Anteriurs emploiads ed activists avevan purtà plant cunter VW il settember, perquai ch'il concern haja lubì da persequitar e torturar adversaris da la dictatura che lavuravan en sias fabricas. Il concern duai avair lubì che 12 lavurers d'ina fabrica a l'ur da São Paulo sajan vegnids arrestads e torturads. Plinavant duain collavuraturs da Volkswagen avair fatg glistas dad opponents. Ils accusaders pretendan da VW da pajar indemnisaziuns. La procura publica sto uss examinar las reproschas, ina cunvegna extragiudiziala è pussaivla.
Il plant croda ensemen cun il scandal enturn valurs da svapur manipuladas.
RR novitads 7:00