Siglir tar il cuntegn
cuntegn

Exteriur Warner inculpescha Blatter

L'anteriur vicepresident da la FIFA, Jack Warner ha rapportà da cas da corrupziun che pertutgan er il president Joseph Blatter.

Jack Warner cun in schec che duess cumprovar il sustegn finanzial.
Legenda: Jack Warner cun in schec che duess cumprovar il sustegn finanzial. Keystone

Tranter auter pretenda Warner che la FIFA haja sustegnì finanzialmain sia partida tar las elecziuns a Trinidad e Tobago avant tschintg onns. Blatter ed auters funcziunaris da la FIFA hajan savì da quest sustegn.

Warner era da quest temp minister per segirezza en il stadi caribic. Tenor la gasetta «Trinidad and Tobago Guardian» ha Warner surdà a ses advocats material da cumprova e schecs. L'onn 2011 era Warner vegnì exclus da la FIFA.

RR novitads 11:00