Legenda:
Il til da demonstraziun per l’Europa a Londra.
Keystone
Sin placats han els pretendì da revocar la decisiun dal Brexit e da betg desister da l'UE. La pretensiun sa drizza al parlament britannic. Ils organisaturs dals protests annunzian var 40-milli participants - indicaziuns da la polizia n'èn anc betg avant maun.
Avant 10 dis avevan stgars 52 pertschient dals Brits vuschà per il Brexit. Dapi lura han gia passa 4 milliuns burgais e burgaisas britannicas suttascrit ina petiziun-online per in segund referendum.
Il comité responsabel da la vart da la chombra da deputads ha dentant dubis, sche tut las suttascripziuns sajan valaivlas.
Era tut ils politichers decisivs a Londra punctueschan al mument ch’i na dettia nagina via enavos. Il votum dals Brits stoppia vegnir mess enturn.
RR novitads 16:00
