Suenter che gia il president american Donald Trump aveva ditg, ch'el desistia d'ina participaziun al forum d'economia, vegn insumma nagina delegaziun dals Stadis Unids a Tavau. Il motiv è il shutdown che blocchescha dapi emnas l'administraziun americana. Sco la pledadra da la Chas'Alva Sarah Sanders ha communitgà, haja Trump stritgà il viadi a sia delegaziun. Quai perquai che radund 800'000 persunas survegnan actualmain pervia dal shutdown nagina paja.
RR novitads 06:00
