Siglir tar il cuntegn

Header

cuntegn

WHO avertescha Preparaziun per stagiun da grippa patescha pervi da corona

Pervi da la pandemia da corona patescha la preparaziun per la stagiun da grippa. Quai di l'Organisaziun mundiala da la sanadad WHO.

Damai che blers labors ed experts sajan occupads cun il coronavirus, vegnia rimnà damain infurmaziuns per virus da grippa. Quai possia avair per consequenza ch'ins na chattia betg potenzials virus da grippa privlus. Uschia saja il dumber da virus da grippa tramess a la WHO sa reducì per 62%. Il dumber da sequenzas da gens che vegnan normalmain inditgads en ina banca da datas da la WHO, saja sa reducì per 94%.

La WHO ha appellà a la cuminanza internaziunala da puspè rimnar dapli emprovas da virus da grippa. Sin basa da questas infurmaziuns exprima la WHO mintgamai las recumandaziuns per virolaziuns.

Ord l'archiv:

Cun l'entschatta da l'enviern cumenza era la stagiun da grippa. Tut fa mal, il nas va, la tuss e la grippa s'annunzian.

audio
Grippa: cura star a chasa?
ord Co e cum dals 21.11.2018. Maletg: Pixabay
laschar ir. Durada: 2 minutas 46 Secundas.

Artitgels legids il pli savens